Ռուսաստանն իրեն շատ անտրամաբանական է պահում. Բլինկեն

ԱՄՆ պետքարտուղար Էնթոնի Բլինկենը «Дождь» հեռուստաալիքին տված հարցազրույցում վիրավորական է անվանել Ռուսաստանի իշխանությունների հայտարարությունները Ուկրաինայի տարածքում ցեղասպանության մասին, հաղորդում է Gazeta.ru-ն։

««Ցեղասպանության», մեջբերում եմ, գաղափարը բացարձակապես սխալ է և, անկեղծ ասած, վիրավորական։ Դա ինքնին, մեղմ ասած, արժեզրկում է բառը։ Դա պարզապես տեղի չի ունենում»,- ասել է պետքարտուղարը` նշելով, որ ուկրաինական կողմում աշխատում են ԵԱՀԿ դիտորդները։

Նրա խոսքով` Ռուսաստանն իրեն շատ անտրամաբանական է պահում և ակտիվորեն զբաղվում է «սադրանքներ սարքելով», որոնք օգտագործում է «արդարացնելու ռազմական միջամտությունը» ինչպես Դոնբասում, այնպես էլ Ուկրաինայում։

«Այն գաղափարը, որ Ուկրաինան այժմ ինչ-որ կերպ սպառնում է Ռուսաստանին, հակասում է ցանկացած տրամաբանության՝ հաշվի առնելով այդ երկրների չափը: Եվ այն միտքը, որ Ուկրաինան հանկարծ կփորձի վերադարձնել Դոնբասը հենց հիմա, թեև վերջին 8 տարվա ընթացքում կարող էր դա անել ցանկացած պահի, բայց ընտրել է հենց այս պահը, երբ Ուկրաինայի շուրջ 150.000 ռուս զինվոր կա, նույնպես հակասում է որևէ տրամաբանության. - ամփոփել է Բլինկենը: