Եղիսաբեթ Երկրորդը վարակվել է կորոնավիրուսով

Մեծ Բրիտանիայի թագուհի Եղիսաբեթ Երկրորը վարակվել է կորոնավիրուսով, հայտարարել է Բուքինգհեմյան պալատը։

Թագուհու մոտ մրսածության մեղմ ախտանիշներ են նկատվել, բայց ակնկալվում է, որ այս շաբաթ նա կշարունակի կատարել իր պարտականությունները Վինձորում: «Նա կշարունակի ստանալ բժշկական օգնություն և հետևել համապատասխան բոլոր ցուցումներին», - ասվում է հաղորդագրությունում։

Մեծ Բրիտանիայի վարչապետ Բորիս Ջոնսոնը թագուհի Եղիսաբեթ Երկրորդին մաղթել է շուտափույթ ապաքինում։