Տարբեր տարիներին բոլշեւիկների սխալները հանգեցրեցին ԽՍՀՄ-ի փլուզմանը. Պուտին

Տարբեր տարիներին բոլշեւիկների սխալները հանգեցրեցին ԽՍՀՄ-ի փլուզմանը, պատմական Ռուսաստանի տրոհումը նրանց խղճի վրա է, ազգին ուղղված իր ուղերձում ասել է ՌԴ նախագահ Վլադիմիր Պուտինը, փոխանցում է ՏԱՍՍ-ը։

Նա մատնանշել է, որ ԽՍՀՄ-ից դուրս գալու հանրապետությունների իրավունքը «ական» էր, քանի որ խորհրդային իշխանության տարիների ազգայնականության բացիլը բոլորովին էլ չի վերացել։

Նրա խոսքով, ԽՍՀՄ-ի փլուզումից հետո Ռուսաստանը միշտ Ուկրաինայի հետ համագործակցել է բաց, ազնիվ եւ հարգելով նրա շահերը։

Միեւնույն ժամանակ, ինչպես նշել է Ռուսաստանի նախագահը, 1991-2013 թվականներին Ռուսաստանի տարբեր տեսակի օգնություններից Ուկրաինայի բյուջեի ընդհանուր օգուտը, ըստ փորձագիտական գնահատականների, կազմել է 250 մլրդ դոլար։

Նրա խոսքով, Ռուսաստանի հանդեպ Ուկրաինայի վերաբերմունքը, այդ թվում՝ գազի գողությունը, երբեմն լկտի բնույթ էր ստանում։