Կատարը հայտարարել է, որ հնարավորություն չունի ռուսական գազի մատակարարումները Եվրոպա փոխարինել հեղուկացված բնական գազով

Ո՛չ Կատարը, ո՛չ էլ որեւէ այլ երկիր հնարավորություն չունի ռուսական գազի մատակարարումները Եվրոպա փոխարինել հեղուկացված բնական գազով՝ (ՀԲԳ) Ռուսաստանի եւ Ուկրաինայի միջեւ հակամարտության պատճառով ընդհատումների դեպքում, երեքշաբթի հայտարարել է Կատարի էներգետիկայի նախարար Սաադ ալ-Քաաբին, փոխանցում է Reuters-ը։ .

ԱՄՆ-ն եւ նրա եվրոպացի դաշնակիցները պատրաստվում են հայտարարել Ռուսաստանի դեմ նոր պատժամիջոցների մասին՝ երկրկ նախագահի կողմից ԴԺՀ-ի եւ ԴԺՀ-ի ճանաչումից հետո։ Պատժամիջոցները կարող են ազդել դեպի Եվրոպա ռուսական գազի հոսքի վրա:

«Ռուսաստանն ապահովում է, կարծում եմ, Եվրոպա մատակարարումների 30-40 տոկոսը։ Չկա մի երկիր, որը կարող է փոխարինել այդ ծավալը, ՀԲԳ-ի հաշվին դա անելու հնարավորություններ չկան»,- Դոհայում գազային համաժողովի ժամանակ լրագրողներին ասել է նախարարը:

«ՀԲԳ-ի մեծ մասը կապված է երկարաժամկետ պայմանագրերի եւ ուղղությունների հետ, որոնք շատ հստակ սահմանված են: Ուստի այդ ծավալն այդքան արագ փոխարինել գրեթե անհնար է»,- հավելել է նա։

Կատարը, որը ՀԳԲ-ի՝ աշխարհի առաջատար արտադրողներից մեկն է, վերջերս ԱՄՆ-ից առաջարկ էր ստացել վերաուղղել գազի մատակարարումները Եվրոպա՝ Ուկրաինայի վրա Ռուսաստանի հարձակման եւ Մոսկվայի դեմ ԱՄՆ պատժամիջոցների դեպքում:

Դրա ծավալի մեծ մասն արգելափակված է երկարաժամկետ պայմանագրերով, հիմնականում՝ ասիական գնորդների համար, բայց այն նաեւ բեռներ է ուղարկում Եվրոպա:

Քաաբին ասել է, որ Կատարի համար վերաուղղված պայմանագրերի ծավալը, որոնք կարող են ուղարկվել Եվրոպա, ընդամենը 10-15 տոկոս է կազմում: