Պուտինն ու Ալիևը դաշնակցային համագործակցության մասին հռչակագիր են ստորագրել

Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը Կրեմլում կայացած բանակցություններից հետո դաշնակցային համագործակցության մասին հռչակագիր են ստորագրել։

Ինչպես ավելի վաղ նշել էր Ռուսաստանի ղեկավարը, փաստաթուղթը նախատեսված է «մեր երկկողմ հարաբերություններում նշանակալի իրադարձության՝ դիվանագիտական ​​հարաբերությունների հաստատման 30-ամյակի կապակցությամբ»: Պուտինը հռչակագրի ստորագրումն անվանել է ռուս-ադրբեջանական հարաբերությունների զարգացման նոր փուլ։

Ալիևն ընդգծել է, որ «հռչակագիրը բավականին ընդարձակ է, այն պարունակում է ավելի քան 40 կետ, այն ընդգրկում է մեր փոխգործակցության կարևորագույն ոլորտները և <...> կարևոր նշանակություն կունենա մեր երկկողմ հարաբերությունների ապագայի համար»։ Ադրբեջանի նախագահը նաեւ նշել է, որ փաստաթուղթը «միանշանակ շատ դրական նշանակություն կունենա» երկու երկրների, նրանց փոխգործակցության, ինչպես նաեւ տարածաշրջանային անվտանգության համար։

Ռուսաստանի և Ադրբեջանի միջև դիվանագիտական ​​հարաբերությունները հաստատվել են 1992 թվականի ապրիլի 4-ին։ Բաքվում Ռուսաստանի դեսպանատունը պաշտոնապես սկսեց իր գործառույթները կատարել 1992 թվականի սեպտեմբերի 25-ից։