Պուտինը մեկնաբանել է արտասահմանում ԶՈւ-ի հնարավոր օգտագործման հարցը

Անհրաժեշտության դեպքում Ռուսաստանի Դաշնությունը կկատարի ԴԺՀ-ին եւ ԼԺՀ-ին ռազմական օգնություն ցուցաբերելու իր պարտավորությունները, հայտարարել է ՌԴ նախագահ Վլադիմիր Պուտինը, փոխանցում է «ՌԻԱ Նովոստի»-ն:

«Չէ որ մենք երեկ պայմանագրեր ստորագրեցինք, եւ այդ պայմանագրերում ե՛ւ Դոնեցկի Ժողովրդական Հանրապետության, ե՛ւ Լուգանսկի Ժողովրդական Հանրապետության հետ համապատասխան կետեր կան, որոնք ասում են այն մասին,, որ մենք այդ հանրապետություններին համապատասխան, այդ թվում՝ ռազմական օգնություն կտրամադրենք: Քանի որ այնտեղ կոնֆլիկտ է ընթանում, մենք այդ որոշմամբ հասկացնում ենք, որ անհրաժեշտության դեպքում մտադիր ենք կատարել մեր պարտավորությունները»,- ասել է Պուտինը մամուլի ասուլիսի ժամանակ։

Ընդ որում, նա նշել է, որ չի ասել, որ ռուսական զորքերը «հենց հիմա» կգնան Դոնբաս։

«Նախ, ես չեմ ասել, որ զորքերը հենց հիմա կգնան այնտեղ ձեզ հետ մեր հանդիպումից հետո։ Երկրորդ՝ ընդհանրապես անհնար է կանխատեսել հնարավոր գործողությունների որեւէ կոնկրետ սյուժե, դա կախված է կոնկրետ իրավիճակից, որը ձեւավորվում է տեղում, ինչպես ասում են»,- ասել է Պուտինը  լրագրողներին։

Նա նաեւ իր կարծիքն է հայտնել Ուկրաինայի՝ ՆԱՏՕ մտնելու հավանականության վերաբերյալ:

«Այս հարցի լավագույն լուծումը կլիներ այն, որ արեւմտյան երկրների մեր գործընկերները չկորցնեն իրենց դեմքը, որպեսզի Կիևի ներկայիս իշխանություններն իրենք հրաժարվեն անդամակցել ՆԱՏՕ-ին, ըստ էության, չեզոքություն պահպանեն»,- ասել է Պուտինը լրագրողներին։