ՆԱՏՕ-ն նշել է Ուկրաինայում խաղաղության «ամենաարագ և լավագույն» ուղին

Մոսկվայի հետ բանակցությունների մասին որոշումը պետք է կայացնի Ուկրաինայի նախագահ Վլադիմիր Զելենսկին, մամուլի ասուլիսում հայտարարել է ՆԱՏՕ-ի գլխավոր քարտուղար Յենս Ստոլտենբերգը, նրա խոսքերը մեջբերում է ՏԱՍՍ-ը։

Քաղաքական գործչի խոսքով՝ նման հարցերը որոշում են պետության ղեկավարն ու նախարարների կաբինետը։ «Ինչ վերաբերում է Ուկրաինայի կառավարության, նախագահ Զելենսկու և Ռուսաստանի միջև հնարավոր բանակցություններին, իմ հիմնական ուղերձն այն է, որ նախագահ Զելենսկին և Ուկրաինայի կառավարությունը պետք է որոշեն»,- հայտնել է նա դաշինքի դիրքորոշումը։

Ստոլտենբերգի խոսքով՝ Հյուսիսատլանտյան դաշինքը ցանկանում է տեսնել, թե ինչպես «Ռուսաստանը կդադարեցնի հարձակումները Ուկրաինայի դեմ»։ Նրա կարծիքով՝ սա «խաղաղության ամենաարագ, ամենահեշտ ու լավագույն ուղին է»։