Բելառուսի Սահմանադրական հանրաքվեում մասնակցությունը կազմել է 78,61%

Բելառուսում փետրվարի 27-ին անցկացված՝ Սահմանադրության մեջ փոփոխություններ կատարելու վերաբերյալ հանրապետական հանրաքվեին մասնակցել է ընտրողների 78,61%-ը, հայտարարել է երկրի Կենտևոնական ընտրական հանձնաժողովը:

Բելառուսի տարածքում ստեղծվել է 5510 ընտրատեղամաս։ Հանրաքվեի է դրվել մեկ հարց. դուք ընդունո ՞ւմ եք արդյոք Բելառուսի Հանրապետության Սահմանադրության փոփոխություններն ու լրացումները:

Նորացված Սահմանադրության ամփոփիչ տարբերակում առաջարկվել է փոխել 83 հոդված, տեքստը լրացվել է Համաբելառուսական ժողովրդական ժողովի մասին մեկ գլխով և 11 նոր հոդվածներով:

Տեղական ժամանակով ժամը 10-ի դրությամբ հանրաքվեին մասնակցել է ընտրողների 46,33 տոկոսը:

Սահմանադրության առաջարկվող փոփոխությունները նախևառաջ շոշափում են Բելառուսի պետական կառուցվածքի հարցերը: Այսպես, Սահմանադրության նախագծում ձևակերպված են նորմեր, որոնք սահմանում են Համաբելառուսական ժողովրդական ժողովի կարգավիճակը, ձևավորման կարգը և լիազորությունները, որը կդառնա ժողովրդաիշխանության բարձրագույն ներկայացուցչական մարմինը, կատարելու է կայունացնող և համախմբող գործառույթներ հասարակության մեջ։

Պայմանավորված այն հանգամանքով, որ բարձրագույն պաշտոնատար անձը շարունակում է լինել Նախագահը, ենթադրվում է, որ Սահմանադրության մեջ որոշակի խստացվելու են տվյալ պաշտոնի թեկնածուների նկատմամբ պահանջները։ Այսպես, նախագահ կարող է ընտրվել Բելառուսի Հանրապետության քաղաքացին ոչ պակաս, քան 40 տարեկան, որն ապրում է երկրում առնվազն 20 տարի, որը չունի և չի ունեցել օտարերկրյա պետության քաղաքացիություն կամ կացության կարգավիճակ կամ օտարերկրյա պետության այլ փաստաթուղթ, որը արտոնություններ և այլ առավելություններ է տալիս: Նախատեսվում է նաև սահմանափակումներ սահմանել պետության ղեկավարի պաշտոնավարման ժամկետների առումով՝ ոչ ավելի, քան երկուսը։
 
Սոցիալական պետության սկզբունքը կպահպանվի որպես Բելառուսի սահմանադրական կարգի կարևորագույն հիմքերից մեկը: Բացի իրավունքների լրացումից, փոփոխություններն առնչվում են նաև քաղաքացիների պարտականություններին։ Փոփոխությունների համաձայն ՝ յուրաքանչյուր ոք պետք է սոցիալական պատասխանատվություն ցուցաբերի, իր ներդրումն ունենա հասարակության և պետության զարգացման գործում։ Հիմնական օրենքի 45-րդ հոդվածը քաղաքացիների վրա դնում է սեփական առողջության պահպանման և ամրապնդման միջոցներ ձեռնարկելու պարտականությունը:
 
Փոփոխությունները վերաբերում են նաև ամուսնական-ընտանեկան հարաբերությունների սահմանադրական ամրագրմանը։ Հստակեցվում է, որ ամուսնությունը պետության կողմից պաշտպանվում է «որպես տղամարդու և կնոջ միություն»: Ծնողները պարտավոր են դառնում պատրաստել երեխաներին հասարակական օգտակար աշխատանքի, սերմանել մշակույթ և հարգանք Բելառուսի օրենքների, պատմական և ազգային ավանդույթների։