Ուկրաինացի ազգայնականները խաղաղ բնակիչներին օգտագործում են որպես կենդանի վահան. Պուտին

Ուկրաինացի ազգայնականները խաղաղ բնակիչներին օգտագործում են որպես կենդանի վահան: Նրանք վտանգ են ներկայացնում, բացատրել է ՌԴ նախագահ Վլադիմիր Պուտինը ֆրանսիացի գործընկեր Էմանուել Մակրոնի հետ զրույցում, գրում է ՏԱՍՍ-ը։

Պետության ղեկավարը նշել է, որ ռուսական զինված ուժերը չեն սպառնում խաղաղ բնակչությանը և չեն հարվածում քաղաքացիական օբյեկտներին։ Ուկրաինացի ազգայնականներն իրենց հերթին դիտավորյալ հարվածային զենքի համակարգեր են տեղադրում բնակելի թաղամասերում, հավելել է Պուտինը։