Հայտնի է դարձել Ռուսաստանի և Ուկրաինայի միջև բանակցությունների երկրորդ փուլի օրը

Հայտնի է դարձել Ռուսաստանի և Ուկրաինայի պատվիրակությունների միջև բանակցությունների երկրորդ փուլի ամսաթիվը: Այն կանցկացվի մարտի 2-ին Բելովեժյան թավուտի տարածքում։ Այս մասին հայտնում է RT-ն՝ սեփական աղբյուրին հղումով։

Մոսկվայի և Կիևի ներկայացուցիչների միջև բանակցությունների առաջին փուլը կայացել է փետրվարի 28-ին և տևել ավելի քան հինգ ժամ։ Պատվիրակությունները պայմանավորվել են հանդիպել «առաջիկա մի քանի օրերին»՝ իրենց համապատասխան մայրաքաղաքներում խորհրդակցություններից հետո: