Ջոնսոնը հայտարարել է, որ ՆԱՏՕ-ի ոչ մի անդամ չի ձգտում Ռուսաստանի հետ հակամարտության

Մեծ Բրիտանիայի վարչապետ Բորիս Ջոնսոնը հայտարարել է, որ ՆԱՏՕ-ի անդամներից ոչ մեկը չի ձգտում Ռուսաստանի հետ հակամարտության։ Այս մասին նա հայտարարել է մամուլի ասուլիսում, փոխանցում է ՏԱՍՍ-ը։

«ՆԱՏՕ-ի ցանկացած անդամի համար Ռուսաստանի հետ ռազմական առճակատմանն ակտիվ մասնակցելը հսկայական քայլ է, որը չի դիտարկվում անդամ երկրներից որևէ մեկի կողմից։ Դրան համաձայնություն ստանալու համար անհրաժեշտ կլիներ ստանալ խորհրդարանի կամ ամբողջ երկրի ժողովրդի համաձայնությունը»,- ասաց նա։

Ջոնսոնն ընդգծել է, որ միևնույն ժամանակ երկիրը նախատեսում է մարդասիրական օգնություն ցուցաբերել Ուկրաինային, նրան զենք մատակարարել և տնտեսական պատժամիջոցներ կիրառել Մոսկվայի դեմ։