Լուկաշենկոն պատմել է, թե ինչպես է իր որդին օգնել Զելենսկու հետ բանակցությունները կազմակերպել

Բելառուսի նախագահ Ալեքսանդր Լուկաշենկոն հայտնել է, որ մոտ 45 րոպե հեռախոսով զրուցել է Ուկրաինայի նախագահ Վլադիմիր Զելենսկու հետ։

Նախօրեին Գոմելի շրջանում կայացել էր Ուկրաինայում իրավիճակի կարգավորման շուրջ ռուս-ուկրաինական բանակցությունների առաջին փուլը։ Պայմանավորվածություն է ձեռք բերվել շարունակել երկխոսությունը։

«Զելենսկու հետ շփումներ հաստատելու գործում, ի զարմանս ինձ, մենք ստիպված ենք եղել կապ հաստատել բջջային հեռախոսով, հսկայական դեր է խաղացել բոլորիս հայտնի Եվգենի Շևչենկոն»,- ասել է Ալեքսանդր Լուկաշենկոն։

Ապա հավելել է, որ երեկ նույնիսկ ստիպված է եղել ուկրաինացի քաղաքական գործչին ահաբեկիչ անվանել, քանի որ նա ամբողջ գիշեր չարչարել է նախագահի օգնականներին և անվտանգության ծառայությանը։

«Բայց երբ նրան ասացին, որ «լավ, ինչքան կարելի է, բավական է, նախագահը հինգ անգամ խոսել է քեզ հետ», նա հեռախոսով կապվեց կրտսեր որդուս հետ (Նիկոլայ Լուկաշենկո)», - ասել է Բելառուսի ղեկավարը։

Միաժամանակ Լուկաշենկոն մանրամասնել է, որ իր կրտսեր որդին և ուկրաինացի քաղաքական գործիչն ավելի վաղ փոխանակվել էին հեռախոսահամարներով, ուստի Եվգենի Շևչենկոյին հաջողվել է գիշերը գտնել նրան։

«Բայց ասեմ՝ եթե իր նախաձեռնությունը չլիներ, ինչպես ինքն ասաց՝ ուկրաինացի պատգամավորների անունից, ավելի դժվար կլիներ: Հենց իր զանգը:, Ոչ ԱԳՆ-ի գծով, ոչ զինվորականների գծով, այլ հենց այս գիծը աշխատեց։ Իսկ մենք Վոլոդյա Զելենսկու հետ մոտ 40-45 րոպե քննարկել ենք իրավիճակը»,- ​​ասել է պետության ղեկավարը։