Լուկաշենկոն Պուտինից լրացուցիչ Ս-400 ՀՕՊ համակարգեր է խնդրել

Բելառուսի նախագահ Ալեքսանդր Լուկաշենկոն հայտարարել է լրացուցիչ ռազմական տեխնիկայի անհրաժեշտության մասին, հայտնում է BelTA-ն։

«Պարզվեց, մեր ռազմական տեխնիկան բավարար չէ։ Անձնակազմը բավարար է։ Տեխնիկան՝ ոչ: Ես դիմեցի Պուտինին, որպեսզի բացի Ս-400-ից, որը գտնվում է Գոմելի մարզում, մեզ մատակարարեն Ս-400, որը կտեղակայվի Մինսկից մի քիչ դեպի արեւմուտք, որպեսզի ոչ միայն Մինսկը ծածկի»։

Երկրի ղեկավարի խոսքով՝ Ս-400 «Տրիումֆ» համալիրը շատ լավ զենք է։ «Այստեղ սպասում ենք առաքումների։ Ինչպես նաեւ այլ սարքավորումների, որոնք մեզ անհրաժեշտ են այստեղ ծածկելու համար (արեւմտյան ուղղությամբ – ծնթ․ԲԵԼՏԱ-ի): Ահա այս գործողությանը մեր հետագա մասնակցությունը, որն անում ենք հիմա»։

Նա եւս մեկ անգամ ընդգծել է, որ այս պահին Բելառուսի զինված ուժերի ոչ մի հատված դուրս չի բերվել մշտական տեղակայման վայրերից։ «Նրանք պատրաստ են։ Բոլորը պատրաստ են։ Իսկ եթե մոբիլիզացիա է պետք, մենք բոլոր ցուցակները ճշտել ենք՝ 2-3 օրվա ընթացքում կմոբիլիզացնենք բոլոր այն ստորաբաժանումները, որոնք պետք կլինի մոբիլիզացնել»,- ասել է Լուկոշենկոն։