Այսօր նախատեսված է ռուս-ուկրաինական բանակցությունների երկրորդ փուլը

Ռուս-ուկրաինական բանակցությունների հաջորդ փուլը նախատեսված է այսօր՝ մարտի 2-ին, ինչպես կողմերն ի սկզբանե պայմանավորվել էին:
«Ինչպես ի սկզբանե պայմանավորվածություն էր ձեռք բերվել, հանդիպումը պետք է կայանա մարտի 2-ին»,- ասել է աղբյուրը։

Երկուշաբթի օրը Բելառուսի Գոմելի մարզում ռուս-ուկրաինական բանակցություններ են տեղի ունեցել, հանդիպումը տևել է հինգ ժամ։ Ռուսական պատվիրակությունը գլխավորում էր նախագահի օգնական Վլադիմիր Մեդինսկին։ Ավելի վաղ նա ասել էր, որ ռուսական պատվիրակությունը պատրաստ է ուկրաինական կողմի հետ բանակցել այնքան ժամանակ, որքան կպահանջվի պայմանավորվածությունների հասնելու համար։ Մեդինսկին հայտնել է նաև, որ Ռուսաստանի և Ուկրաինայի ներկայացուցիչները նախապես պայմանավորվել են բանակցությունների հաջորդ փուլն անցկացնել Բելառուսում։