Ռուսաստանի հեռարձակվող ալիքներում պատերազմը բացարձակապես այլ տեսք ունի

Ռուսական պետական ​​լրատվամիջոցների կողմից ներկայացված այլընտրանքային իրականության մասին պատկերացում կարելի է կազմել, երեքշաբթի օրվա հեռարձակումից հետո։
Երբ BBC World TV-ն բացեց իր տեղեկագիրը մայրաքաղաք Կիևում հեռուստաաշտարակի վրա ռուսական հարձակման մասին հաղորդումներով, ռուսական հեռուստատեսությունը հայտարարում էր, որ Ուկրաինան պատասխանատվություն է կրում սեփական քաղաքների վրա հարվածների համար: Այսպիսով, ի՞նչ են տեսնում ռուս հեռուստադիտողները պատերազմի մասին: Ի՞նչ հաղորդագրություններ են նրանք լսում եթերից:

ԲիԲիՍի-ն հայտնում է, որ պետական ​​վերահսկողության տակ գտնվող հեռուստատեսությունում հաղորդավարներն ու թղթակիցները օգտագործում են էմոցիոնալ լեզու և պատկերներ՝ «պատմական զուգահեռներ» անցկացնելու համար Ուկրաինայում Ռուսաստանի «հատուկ ռազմական գործողության» և Խորհրդային Միության՝ նացիստական ​​Գերմանիայի դեմ պայքարի միջև: «Ազգայնականների մարտավարությունը, ովքեր օգտագործում են երեխաներին իրենց պաշտպանելու համար, չեն փոխվել Երկրորդ համաշխարհային պատերազմից հետո»,- ասում է «Россия 1»-ի քույր ալիքի՝ «Россия 24»-ի առավոտյան շոուի հաղորդավարը։ «Նրանք իրենց ֆաշիստների պես են պահում, հենց այս բառի իմաստով. նեոնացիստներն իրենց տեխնիկան դնում են ոչ միայն բնակելի տների կողքին, այլ այնտեղ, որտեղ երեխաները պատսպարվում են նկուղներում», - ավելացնում է թղթակիցը «Ուկրաինական ֆաշիզմ» վերնագրով տեսանյութում։

Այսպիսով ամերիկյան կայքը ցանկանում է ցույց տալ, որ ռուսաստանցիները մատնված են ապատեղեկատվության, այնպես, ինչպես ողջ ուկրաինական և եվրոպական կայքերը ներկայացնում են Ռուսաստանը, որպես ահաբեկչի։