Գրոհները հետ են մղվել, թշնամին զգալի կորուստներ է կրել. Խարկովի մարզպետարանը մանրամասներ է հայտնում

Ըստ Խարկովի մարզային պետական ​​վարչակազմի ղեկավար Օլեգ Սինեբուգովի` մարտի 1-ի ողջ օրվա ընթացքում Խարկովի պաշտպանական դիրքերը մշտապես գտնվել են հակառակորդի կրակային միջոցների, ավիացիայի և հրթիռային հրետանու ազդեցության տակ։

 «Կեսօրին քաղաքի հյուսիսարևելյան և հյուսիսային հատվածները ենթարկվել են հակառակորդի մեքենայացված ստորաբաժանումների գրոհի։ Բոլոր գրոհները հետ են մղվել, թշնամին զգալի կորուստներ է կրել, միայն 40-ից ավելի տեխնիկա է վնասվել, դիրքերը պահվել են։

 Ահաբեկչության դեմ պաշտպանության ստորաբաժանումները, Ազգային ոստիկանությունը, Ուկրաինայի զինված ուժերը կռվել են հակառակորդի դիվերսիոն-հետախուզական խմբերի հետ։ Դրանցից մեկը, քաղաքից հեռանալու փորձի ժամանակ, հարձակվել է զինվորական հոսպիտալի վրա: Բոլոր դիվերսիոն-հետախուզական խմբերը ոչնչացվել են: Ոչնչացվել է հակառակորդի մեկ ինքնաթիռ, օդաչուն ներքև նետվելուց հետո ինքնասպանություն է գործել։

 Գիշերը տեղի է ունեցել ՍՈւ 25 ինքնաթիռներով ռմբակոծություն՝ Չուգուևի  դիրքերի (Բաշկիրովկայի և օդանավակայանի), Խարկով քաղաքի վրա:

 Օդային գրոհի հետևանքով բռնկված հրդեհը դեռ մարվում է, ընթանում է արկերի դետոնացիա։

 Ես շարունակում եմ քաղաքացիական և ռազմական տեխնիկա ներգրավել Ուկրաինայի Զինված ուժերի համար՝ այլ տարածաշրջանների ձեռնարկությունների հետ անձնական շփումների միջոցով՝րեկվանից՝ 7 ինկասատոր և մեկ զրահապատ «Կրազ»։

 Ինչ վերաբերում է մարդասիրական աջակցության աշխատանքներին, երեկ լոգիստիկ կենտրոններում քաղաք է մտել 12 բեռնատար՝ սնունդով և խմելու ջրով։ Այսօր ապաստարանները կապահովենք ամենաանհրաժեշտ իրերով։

 Օրվա ընթացքում տուժել է 112 մարդ, մահացել՝ 21-ը, տվյալները կթարմացվեն։

 Մենք պահում ենք քաղաքը, պահում ենք մարզը, շարունակում ենք համագործակցությունը մարզկենտրոնի ղեկավարի հետ, գործողությունները համակարգում ենք թաղամասերի, համայնքների հետ»,- ասված է Սինեբուգովի հայտարարության մեջ։