Շվեդիայի ԶՈւ-ն հայտարարել է, որ ռուսական կործանիչները խախտել են երկրի օդային տարածքը
Աշխարհ
Շվեդիայի զինված ուժերը պնդում են, որ ռուսական չորս կործանիչներ, իբր, մարտի 2-ին խախտել են թագավորության օդային տարածքը։ Համապատասխան հայտարարությունը հրապարակվել է Շվեդիայի զինված ուժերի կայքում, փոխանցում է ТАСС-ը։
«Ռուսական երկու Սու-27 և երկու Սու-24 խախտել են Շվեդիայի օդային տարածքը Գոթլանդից արևելք։
Շվեդական Jas 39 Gripen կործանիչները բերվել են զգոնության և լուսանկարել միջադեպը։ Խափանումը կարճատև է եղել»,- ասվում է հաղորդագրությունում։
«Սա ցույց է տալիս, որ մեր պատրաստակամությունը լավ է։ Մենք տեղում էինք՝ ապահովելու Շվեդիայի տարածքային ամբողջականությունը և սահմանները։ Մենք լիովին վերահսկում ենք իրավիճակը։ Ներկայիս իրավիճակից ելնելով, մենք միջադեպին շատ լուրջ ենք վերաբերվում։ Դրանք ոչ պրոֆեսիոնալ եւ անպատասխանատու գործողություններ են Ռուսաստանի կողմից»,- ասել է Շվեդիայի ռազմաօդային ուժերի գլխավոր հրամանատար Կարլ-Յոհան Էդստրեմը:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
