ՆԱՏՕ-ն հրաժարվել է քննարկել Ռուսաստանի անվտանգության երաշխիքները. ՌԴ ԱԳՆ

ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ ասել է, որ ՆԱՏՕ-ն գրավոր պատասխաններով հասկացրել է, որ չի ցանկանում քննարկել ռուսական անվտանգության երաշխիքները, փոխանցում է ՏԱՍՍ-ը։

Նրա խոսքով, դաշինքն իր պատասխաններում մերժել է հենց քննարկման հնարավորությունը, այլ ոչ միայն կոնկրետ ձեւակերպումները։

«Մեր երկրին ոչ միայն երաշխիքներ չտրվեցին, մեր երկրին մերժեցին անվտանգության երաշխիքներ տալ։ Համաձայնեք, սրանք տարբեր բաներ են։ Մեր ձեռքում գրավոր պատասխաններն են, որոնք կասկած չեն թողնում ՆԱՏՕ-ի դաշինքի և նրանց ղեկավարողների, ուղղակիորեն ԱՄՆ-ի մտադրությունների մասին, որ ցանկացած խոսակցություն այն հարցերի մասին, որոնք մեզ համար ոչ միայն առանցքային են, ոչ միայն կարևոր, այլ նաև էական, կենսական և, ինչպես ասում են մեր արևմտյան գործընկերները` էկզիստենցիալ, և այսպիսով այս բոլոր հարցերում մեզ մերժել են»,- ասել է նախարարության ներկայացուցիչը։