Կիևն իր առաքելությունը տեսնում է Ռուսաստանի վրա հարձակման ցատկահարթակ ծառայելու մեջ. Նարիշկին

Կիևի վարչակարգը, որը ձևավորվել է վերջին ութ տարիների ընթացքում, իր առաքելությունը տեսնում է Ռուսաստանի վրա հարձակման համար որպես ցատկահարթակ ծառայելու մեջ: Այս մասին ասվում է ՌԴ Արտաքին հետախուզության ծառայության տնօրեն Սերգեյ Նարիշկինի՝ հինգշաբթի օրը տարածած հայտարարության մեջ, որը հրապարակվել է ՌԴ ԱՀԾ-ի մամուլի ծառայության կայքում։

«Ուկրաինայում բռնի իշխանափոխության գործողությունից հետո անցած ութ տարում մենք Կիևում ստացանք մի ռեժիմ, որը բացարձակապես ունակ չէ բանակցել, բացարձակապես թշնամաբար է տրամադրված Մոսկվայի նկատմամբ, որն իր առաքելությունը տեսնում է Ռուսաստանի վրա հարձակման համար որպես ցատկահարթակ ծառայելու մեջ»,- ասվում է հայտարարության մեջ։

Ուկրաինայի ապագան կորոշեն իրենք՝ ուկրաինացիները, բայց դա կլինի բոլորովին այլ Ուկրաինա, կարծում է Արտաքին հետախուզության ծառայության ղեկավարը։

Նրա խոսքով, Ռուսաստանն այժմ իրական հնարավորություն ունի վերջ դնելու 30 տարի հետխորհրդային տարածքում մղվող պատերազմին։ «Ուկրաինայի ներկայիս հակամարտությունը լավ պատճառ է միջազգային իրավական ռեժիմների և պարտավորությունների մանրակրկիտ վերանայման, Արևմուտքի և ամբողջ աշխարհի հետ հարաբերությունների հիմնովին նոր ձևեր մշակելու համար: Պատերազմը հետխորհրդային տարածքում, եթե որևէ մեկը չի նկատել, կանգ չի առել արդեն երեսուն տարի, և այժմ Ռուսաստանը իրական հնարավորություն ունի դրան վերջ դնելու»,- ասվում է հայտարարության մեջ։