Հայտնի է` երբ տեղի կունենա ռուս-ուկրաինական բանակցությունների երրորդ փուլը

Ուկրաինայի և Ռուսաստանի պատվիրակությունների միջև բանակցությունների երրորդ փուլը կարող է տեղի ունենալ վաղը կամ վաղը չէ մյուս օրը, ասել է Ուկրաինայի նախագահ Վլադիմիր Զելենսկու գրասենյակի ղեկավարի խորհրդական Միխայիլ Պոդոլյակը։ Այս մասին հայտնում է РИА Новости-ն։

Հիշեցնենք, որ մարտի 3-ին Բելառուսի Բելովեժյան թավուտում կայացել է Ռուսաստանի և Ուկրաինայի պատվիրակությունների բանակցությունների երկրորդ փուլը։

Կիևի և Մոսկվայի ներկայացուցիչների բանակցություններում մանրամասն քննարկվել են Ուկրաինայում տիրող իրավիճակի հումանիտար ասպեկտները։