ՌԴ արդյունաբերության և առևտրի նախարարությունը տեղական արտադրողներին խորհուրդ է տվել դադարեցնել պարարտանյութերի արտահանումը
Աշխարհ
Ռուսաստանի արդյունաբերության և առևտրի նախարարությունը հայտարարել է, որ ստիպված է եղել ռուս արտադրողներին խորհուրդ տալ դադարեցնել պարարտանյութերի արտահանումը, քանի դեռ շուկայական իրավիճակը չի կայունացել, գրում է ՌԻԱ Նովոստին։
Հստակեցվում է, որ խորհուրդ է տրվում սառեցնել մատակարարումները մինչև փոխադրողների «ռիթմիկ աշխատանքի» վերսկսումը, ինչպես նաև Ռուսաստանից պարարտանյութերի արտահանման մատակարարումների ամբողջական իրականացման երաշխիքների տրամադրումը։
Նախարարության պարզաբանման համաձայն՝ օտարերկրյա գործընկերները պայմանավորված պարարտանյութը չեն ստանա՝ պատժամիջոցների պատճառով, որոնք ազդել են օտարերկրյա լոգիստիկ օպերատորների վրա։ Այսպիսով, Արևմտյան և Արևելյան Եվրոպայում, Լատինական Ամերիկայում, Հարավային և Հարավարևելյան Ասիայում կառաջանան անբերքատվության և պարենի դեֆիցիտի ռիսկեր, քանի որ նրանց համար չափազանց դժվար կլինի փոխարինել գնված պարարտանյութերը։
«Պարարտանյութերի առաքման ձախողումները կարող են ուղղակիորեն ազդել մի շարք երկրների ազգային անվտանգության վրա և լուրջ հետևանքներ առաջացնել հարյուր միլիոնավոր մարդկանց համար սննդի պակասի տեսքով արդեն միջնաժամկետ հեռանկարում», - բացատրում է արդյունաբերության և առևտրի նախարարությունը:
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
