Կադիրովն առաջարկությամբ դիմել է Զելենսկուն
Աշխարհ
Չեչնիայի ղեկավար Ռամզան Կադիրովը կոչ է արել Ուկրաինայի նախագահ Վլադիմիր Զելենսկուն երկրում ռուսական հատուկ գործողության ֆոնին իշխանությունը փոխանցել 2014 թվականին պետության ղեկավարի պաշտոնից գահընկեց արված Վիկտոր Յանուկովիչին։ Համապատասխան գրառումը նա տեղադրել է Telegram-ի իր ալիքում։
Կադիրովն ասել է, որ Զելենսկին փախել է «այնպես, որ ոչ ոք նույնիսկ չի հասցրել նկատել նրա շողշողացող կրունկները», և խնդրել է նրան վերադառնալ Կիև, ընդունել Մոսկվայի պահանջները և ներողություն խնդրել ուկրաինացիներից։
«Դեռ ուշ չէ փրկել դեմքը և փորձել արժանապատվորեն անցնել ճանապարհը։ Հարվածի տակ մի դրեք ժողովրդին: Վերադարձեք, Վլադիմիր։ Իսկապե՞ս ուզում եք ընտրել [Վրաստանի նախկին նախագահ Միխայիլ] Սահակաշվիլիի ուղին և ձեր մնացած ժամանակն անցկացնել ձեր փողկապը ծամելու վրա»,- ասել է նա:
Չեչնիայի ղեկավարն ընդգծել է, որ, իր կարծիքով, Յանուկովիչը մնում է Ուկրաինայի օրինական նախագահը։ «Ահա, օրինական նախագահին հանձնեք իշխանությունն ու վստահեք ճակատագրին։ Միգուցե այդ դեպքում մեղքը գոնե մասամբ քավելու հնարավորություններ մնան»,- եզրափակել է Կադիրովը:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
