Պուտինը հանդիպել է Իսրայելի վարչապետի հետ

Ռուսաստանի Դաշնության նախագահի մամուլի քարտուղար Դմիտրի Պեսկովը հայտնել է, որ այս պահին Կրեմլում բանակցություններ են ընթանում Վլադիմիր Պուտինի և Իսրայելի վարչապետ Նաֆթալի Բենեթի միջև, փոխանցում է ՏԱՍՍ-ը։

Պեսկովի խոսքով՝ հանդիպմանը քննարկվում է Ուկրաինայի շուրջ ստեղծված իրավիճակը։ Նշվում է, որ բանակցությունների արդյունքներով լրատվամիջոցների համար հայտարարություններ չեն հրապարակվի։

Իսրայելի վարչապետի այցի մասին հայտնի է դարձել շաբաթ օրը՝ բուն հանդիպումից քիչ առաջ։