«ԱՄՆ-ն կարևոր է համարում Ռուսաստանի հետ դիվանագիտական հարաբերությունների պահպանումը»,-Բլինկեն
Աշխարհ
Քիշնևում կայացած ճեպազրույցում ԱՄՆ պետքարտուղար Էնթոնի Բլինկենը կողմ է արտահայտվել Ռուսաստանի հետ դիվանագիտական հարաբերությունների պահպանմանը, որպեսզի կարողանա օգնություն ցուցաբերել Ռուսաստանի տարածքում գտնվող ԱՄՆ քաղաքացիներին։
«Մենք կոչ ենք արել ԱՄՆ քաղաքացիներին անհապաղ լքել Ռուսաստանի Դաշնության տարածքը, քանի որ անհրաժեշտության դեպքում օգնություն ցուցաբերելու մեր հնարավորությունները սահմանափակ են, և մենք նաև կոչ ենք արել զերծ մնալ Ռուսաստան մեկնելուց»,-ասել է Բլինքենը:
Բլինքենն ընդգծել է, որ միևնույն ժամանակ կարևոր է երկրների միջև դիվանագիտական հարաբերությունների պահպանումը, «որ անհրաժեշտության դեպքում հնարավոր լինի օգնություն ցուցաբերել ամերիկացիներին»։
Նա նաև ասել է, որ ԱՄՆ նախագահ Ջո Բայդենը ցանկանում է ստեղծել 2,5 միլիարդ դոլար արժողությամբ հիմնադրամ՝ Ուկրաինային և փախստականներ ընդունող երկրներին օգնելու համար, այս մասին հայտնում է «ntv.com» ռուսական լրատվական կայքը։
«Պատերազմը հրահրեց հումանիտար ճգնաժամ։ Մոլդովան արժանի է համաշխարհային հանրության երախտագիտությանը փախստականներին ընդունելու համար»,-նշել է Բայդենը:
Նրա խոսքով՝ համաշխարհային հանրությունը հավաքվել է՝ օգնելու ուկրաինացի փախստականներին, սակայն հիմնական բեռը ընկնում է Ուկրաինային սահմանակից երկրների ուսերին։
ՈՒՂԻՂ ԵԹԵՐ
Ամենադիտված 
Վիճաբանությունն ավարտվել է ողբերգությամբ․ 22-ամյա երիտասարդը սպանել է մորն ու քրոջը, 11-ամյա քույրը ծանր վիճակում է
