Բրիտանիայից առաջին կամավորները ժամանել են Ուկրաինա

Մեծ Բրիտանիայից կամավորներ են ժամանել Ուկրաինա, տեղեկացնում է ուկրաինական Vesti.ua լրատվականը։

Նրանցից շատերը նախկին զինվորականներ են՝ շատ լավ մարտական ​​պատրաստվածությամբ։ Կամավորներից մեկի խոսքով՝ «Ռուսաստանի Դաշնությունը ռազմական հանցագործություններ է կատարում Ուկրաինայում»։ Այս մասին բրիտանացի զինվորականները նշում են YouTube-ում հրապարակված տեսանյութում։

Բրիտանացի կամավորները դժգոհել են, որ «ռուս զինծառայողները ռմբակոծում են քաղաքացիական օբյեկտները և սպանում խաղաղ բնակիչներին», ուստի իրենք որոշել են պաշտպանել Ուկրաինան։

«Այստեղ պատերազմական հանցագործություններ են տեղի ունենում: Ռմբակոծվում են քաղաքացիական օբյեկտները, սպանվում են քաղաքացիական անձինք, բռնաբարվում կանայք. դա պետք է դադարեցվի»,- ասել է կամավոր Ջեքսը: