Բլինկենն արձագանքել է Զելենսկու` Ուկրաինայի երկինքը «մաքրելու» կոչին
Աշխարհ
ԱՄՆ պետքարտուղար Էնթոնի Բլինկենը հայտարարել է, որ Վաշինգտոնը և նրա դաշնակիցները չեն ցանկանում, որ հակամարտությունն ընդլայնվի իրենց երկրներում և, հետևաբար, չեն փակի երկինքը Ուկրաինայի վրա։ Այս մասին հայտնում է РИА Новости-ն։
«Մենք ավելի վաղ խոսել ենք ոչ թռիչքային գոտու մասին, և կրկնում եմ, որ մեր բոլոր ջանքերն ուղղված են այս պատերազմի, այս տառապանքների շուտափույթ ավարտին։ Այն, ինչ մենք չենք ցանկանում, դա դրա ընդլայնումն է, ընդլայնումը դեպի մեր երկրներ, մեր սեփական տարածք»,- ասել է Բլինկենը Լատվիա կատարած այցի ժամանակ։
Միաժամանակ նա հիշեցրել է, որ մի քանի օր առաջ ԱՄՆ Կոնգրես է ուղարկել Ուկրաինային 10 միլիարդ դոլարի չափով շտապ օգնություն ցուցաբերելու հարցում։
«Եվ այս 10 միլիարդ դոլարը, որը, վստահ եմ, Կոնգրեսը շատ արագ կհատկացնի, կուղղվի Ուկրաինայում անվտանգության ոլորտում լրացուցիչ օգնությանը, Ուկրաինայում մարդասիրական օգնությանը և ՆԱՏՕ-ի արևելյան թեւն ուժեղացնելու հետագա ջանքերին», - ավելացրել է Բլինկենը:
Նաև Լիտվայի արտաքին գործերի նախարար Գաբրիելիուս Լանդսբերգիսի հետ համատեղ ասուլիսում Բլինկենն ասել է, որ ռուսական և ուկրաինական ուժերի թվաքանակի «հսկայական անհամաչափություն» կա։ Եվ նա նաեւ խոստովանել է, որ ռուսական կողմը հնարավորություն ունի շարունակելու «աղալ» ուկրաինական բանակը։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
