Կիևը լռության ռեժիմ է հայտարարել Սումա-Պոլտավա մարդասիրական միջանցքի երթուղում
Աշխարհ
Ուկրաինան լռության ռեժիմ է հայտարարել Սումա-Պոլտավա մարդասիրական միջանցքի երթուղում: Ինչպես տեղեկացնում է «ՌԻԱ Նովոստի»-ն, այս մասին ճեպազրույցի ժամանակ հայտարարել է Ուկրաինայի փոխվարչապետ Իրինա Վերեշչուկը:
«Պայմանավորվածություն ունենք Կիևի ժամանակով ժամը 9:00-ին լռության ռեժիմի մեկնարկի մասին: Մենք հայտարարում ենք լռության ռեժիմ», - ասել է Վերեշչուկը:
Ավելի, վաղ, Ուկրաինայում մարդասիրական արձագանքման միջգերատեսչական համակարգման շտաբը հայտարարել է, որ մարտի 8-ին` Մոսկվայի ժամանակով ժամը 10:00-ից սկսած լռության ռեժիմ են հայտարարել` Կիևից, Խարկովից, Չերնիգովից, Սումից, Մարիուպոլից խաղաղ բնակիչներին դուրս բերելու համար:
Հաղորդագրության մեջ նշվում էր, որ մարդասիրական միջանցքների բացման մասին Մոսկվայի և Կիևի ներկայացուցիչները պայմանավորվել են Բելառուսում կայացած բանակցություններում:
Ավելի ուշ, Ուկրաինայի փոխվարչապետ Իրինա Վերեշչուկը հայտարարել է, որ Ուկրաինան հավանություն է տվել Սումի-Պոլտավա մարդասիրական մեկ միջանցքի մասով, այլ երթուղիներ չեն համաձայնեցվել:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
