ՆԱՏՕ-ի գլխավոր քարտուղարը հայտարարել է դաշինքի արևելյան թևի ուժեղացման մասին

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը զգալիորեն ընդլայնել է իր ներկայությունը արևելյան թևում։ Այս մասին հայտնում է Интерфакс-ը։

Նրա խոսքով՝ ներկայում 130 ինքնաթիռ և ավելի քան 200 նավ` «բարձր բևեռային լայնություններից մինչև Միջերկրական ծով», գտնվում են պատրաստության վիճակում։

Ստոլտենբերգը համապատասխան հայտարարություն է արել Ռիգայում՝ Լատվիայի նախագահ Էգիլս Լևիտսի հետ համատեղ մամուլի ասուլիսի ժամանակ։

Գլխավոր քարտուղարը հավելել է, որ հազարավոր զինվորականներ լրացուցիչ տեղակայվել են տարածաշրջանում։