ՆԱՏՕ-ն Ռուսաստանի հետ հակամարտություն չի փնտրում. Ստոլտենբերգ

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը Ռուսաստանի հետ հակամարտություն չի փնտրում։ Այս մասին հայտնում է ՏԱՍՍ-ը։

Նրա խոսքով` դաշինքի նպատակն է թույլ չտալ, որ հակամարտությունը տարածվի Ուկրաինայի սահմաններից դուրս։ Գլխավոր քարտուղարը նշել է, որ ՆԱՏՕ-ն ձեռնարկել է հավաքական անվտանգության համակարգի պատմական ամրապնդում և հազարավոր զինվորներ ուղարկել սահմաններ։

Ավելի վաղ Ստոլտենբերգը հայտարարել էր, որ ՆԱՏՕ-ն պետք է երաշխիքներ տա, որ Ուկրաինայում հակամարտությունը դուրս չի գա այս երկրի սահմաններից։ Նրա խոսքով՝ ՆԱՏՕ-ն պարտավոր է կանխել հակամարտության հետագա սրումը և թույլ չտալ, որ այն տարածվի Ուկրաինայի սահմաններից դուրս։