Երիտասարդ արտաքինով 90-ամյա կինը բացահայտել է իր գեղեցկության գաղտնիքը

Ժամանց 9 Մարտ, 2022 0:59

Ամերիկուհի Դեյլիս Բարնեթ Ռադթքեն (Dalyce Barnett Radtke) TikTok-ով ցույց է տվել իր 90-ամյա մորը և զարմացրել համացանցի օգտատերերին։ Համապատասխան տեսանյութը գրավել է Daily Star-ի ուշադրությունը։

Թոշակառու կինը տեսախցիկի առաջ ներկայացել է բաց կապույտ ջինսե տաբատով և կարմիր ջեմփերով, որն ընդգծել է նրա սլացիկ կազմվածքը։ Ամերիկուհու կերպարը համալրել են զարդերն ու կարճ սանրվածքը։

Կադրերում դուստրը խնդրել է կնոջը բացահայտել իր գեղեցկության գաղտնիքը։ Տարեց կինն ասել է, որ իրեն օգնում են իր տարիքից ավելի երիտասարդ երևալ` լավ ժառանգականությունը և մարզասրահում մարզվելը՝ ձգումներ, գնդակով վարժություններ և այլն: Ռադթքեն նաև նշել է, որ իր մայրը հետևում է մաշկի խնամքի պարզ ռեժիմին՝ ներառյալ դեմքը օճառով ու ջրով լվանալը և դեմքին խոնավեցնող լոսյոն քսելը:

Նյութի հերոսուհու մասնակցությամբ հրապարակումը վիրուսային է դարձել և հավաքել 2,5 միլիոն դիտում։ Համացանցի օգտատերերը հաճոյախոսություններ են արել ԱՄՆ-ի բնակչուհու տեսանյութի տակ գտնվող մեկնաբանություններում: «Իսկապե՞ս նա 90 տարեկան է: Աստված իմ, նա ամենագեղեցիկ 90-ամյա կինն է, որ երբևէ տեսել եմ: Ես ցնցված եմ», «Նրա կազմվածքն իդեալական է», «Նա 90 տարեկա՞ն է: Թե ե՞ս եմ սխալ հասկացել»,- նշել են նրանք։

Ռադթքեն նաև նշել է, որ իր մայրը թողել է ծխելը 36 տարեկանում, իսկ ալկոհոլային խմիչքները՝ 65 տարեկանում։