Ռուսաստանը Ուկրաինայի համար ևս մեկ անգամ բացում է հումանիտար միջանցք

Մարտի 9-ին ժամը 10։00-ից սկսած Ռուսաստանը կրկին կբացի միջանցք հումանիտար օգնություն ցուցաբերելու համար՝  ուկրաինական տարբեր քաղաքների համար, հայտնում է «Vesti.ru» լրատվականը։

Ուկրաինայում մարդասիրական արձագանքման համակարգող շտաբը հայտնում է՝ այդ քայլը կձեռնարկվի, չնայած այն բանին, որ Կիևը բազմիցս խափանել է խաղաղ բնակչության և օտարերկրացիների տարհանումը։

Կիևի և մոտակա բնակավայրերի բնակիչները միջանցքներից մեկով կկարողանան հասնել բելառուսական Գոմել։ Այնուհետև փախստականները կտեղափոխվեն Ռուսաստան կամ Ուկրաինայի հարավ՝ Կիևի հետ համաձայնությամբ։

Սումի քաղաքից հնարավոր կլինի տարհանում դեպի Պոլտավա և Բելգորոդ, իսկ Խարկովից դեպի Բելգորոդ:

Մարիուպոլից կբացվի միանգամից երկու երթուղի` Դոնի Ռոստով և Զապորոժիե: Ուկրաինական կողմի
հետ համաձայնությամբ հումանիտար միջանցքներ կարող են կազմակերպվել նաեւ այլ քաղաքներից։