ԱՄԷ-ի եւ Սաուդյան Արաբիայի ղեկավարները հրաժարվել են խոսել Բայդենի հետ Ուկրաինայի մասին. WSJ

Աշխարհ 9 Մարտ, 2022 11:30

Մերձավոր Արեւելքի երկու պետությունների ղեկավարները հրաժարվել են ԱՄՆ-ի նախագահ Ջո Բայդենի հետ հեռախոսազրույցներից, որը ցանկացել Է քննարկել Ուկրաինայի շուրջ իրադրությունը եւ նավթահանույթի ավելացման հնարավորությունը՝ ածխաջրածինների համաշխարհային գների իջեցման պամար: Մարտի 8-ին այդ մասին հաղորդել Է The Wall Street Journal (WSJ) թերթը:

«Հեռախոսազանգի ակնկալիքներ կային, սակայն այն չկայացավ»,- մեջբերում Է հրատարակությունն ամերիկացի պաշտոնյայի խոսքը Սաուդյան Արաբիայի թագաժառանգ արքայազն Մուհամեդ բեն Սալման Ալ Սաուդի հետ Բայդենի զրույցի պլանների վերաբերյալ: Նրա խոսքով՝ պետք Է արծարծվեր նավթի հանույթի ծավալների ավելացման հարցը՝ Ռուսաստանի նկատմամբ արեւմտյան երկրների պատժամիջոցների պայմաններում Էներգակիրների գների աճի պատճառով: Հրատարակության տվյալներով՝ հեռախոսազրուցից հրաժարվելու համանման որոշում Է ընդունել նաեւ Աբու Դաբիի թագաժառանգ արքայազն, Արաբական Միացյալ Էմիրությունների (ԱՄԷ) զինված ուժերի գլխավոր հրամանատարի տեղակալ շեյխ Մուհամեդ բեն Զայիդ Ալ Նահայանը:

Ինչպես նշում Է թերթը, այն բանից հետո, երբ Մերձավոր Արեւելքի երկրների երկու ղեկավարները հրաժարվել են խոսել Սպիտակ տան ղեկավարի հետ, նրանք երկուսն Էլ անցյալ շաբաթ հեռախոսազրույցներ են վարել Ռուսաստանի նախագահ Վլադիմիր Պուտինի հետ: Մարտի 8-ին Բայդենն ստորագրել Է հրամանագիր, որն արգելում Է ՌԴ-ից Էներգակիրների ներմուծումը եւ նոր ներդրումները Ռուսաստանի Էներգետիկական հատվածում, ինչը հարուցել Է WTI մակնիշի նավթի ապառնագրի աճը մեկ բարելի դիմաց մինչեւ 124 դոլար, Brent մակնիշի նավթի ապառնագրի գինն այս շաբաթ առաջին անգամ հասել Է 10-ամյա վաղեմության ռեկորդին եւ կազմել մեկ բարելի դիմար 128 դոլար: Մարտի 8-ին ԱՄՆ-ի ավտոլցակայաններում գները գերազանցել են պատմական առավելագույնը, եւ Բայդենը հայտարարել Է, թե դրանք կշարունակեն աճել, սակայն ԱՄՆ-ի վարչակազմը ոչինչ չի կարող անել ստեղծված պայմաններում, հաղորդել Է ՏԱՍՍ-ը: