Ղրղզստանի և Տաջիկստանի սահմանին փոխհրաձգություն է տեղի ունեցել

Մարտի 10-ին Բատկենի շրջանում՝ Ղրղզստան-Տաջիկական սահմանի հատվածում, միջադեպ է տեղի ունեցել զենքի գործադրմամբ։ Այս մասին հայտնում են Սահմանային ազգային անվտանգության պետական ​​կոմիտեի սահմանային ծառայությունից։

Նշվում է, որ ժամը 10:50-ին, Թեսկիի շրջանում՝ սահմանի չնկարագրված հատվածում, Տաջիկստանի սահմանապահ ջոկատը, «փոխելով նախկինում օգտագործված շարժման երթուղին, անցել է սահմանի պաշտպանության նոր գիծ և պահանջել, որպեսզի Ղրղզստանի Հանրապետության սահմանապահները լքեն այս հատվածը»։

Ղրղզստանի Հանրապետության սահմանային ծառայության տվյալներով՝ Տաջիկստանի սահմանապահներ փորձել են հասնել նոր սահմանային գծի։

«Սակայն ղրղզ սահմանապահները թույլ չեն տվել տաջիկ զինծառայողներին իրականացնել իրենց մտադրությունը։ Արդյունքում՝ փոխհրաձգություն է սկսվել, որը տևել է մոտ 10 րոպե։ Փոխհրաձգության հետևանքով՝ ղրղզական կողմից վիրավորներ չկան», - հայտնում է ՍԱՊԾ-ն։

Նշվում է, որ դեպքից անմիջապես հետո հեռախոսազրույց է տեղի ունեցել երկու երկրների սահմանապահ ներկայացուցիչների միջև և որոշվել է սահմանապահներին հետ կանչել դեպքի վայրից՝ մինչև սահմանային ներկայացուցիչների ժամանումը։ Ժամը 11:45-ին Ղրղզստանի և Տաջիկստանի սահմանային ներկայացուցիչները սկսել են բանակցությունները։

Տաջիկստանի սահմանապահ ծառայությունը դեռ չի մեկնաբանել տեղեկությունը։ Radio Ozodi-ն, վկայակոչելով աղբյուրներին, հայտնում է, որ փոխհրաձգության արդյունքում՝ մեկ սահմանապահ է զոհվել, ևս մեկ խաղաղ բնակիչ վիրավորվել է։

Ղրղզստան-տաջիկական սահմանի երկարությունը 970 կիլոմետր է, որից ճշտվել է 519 կիլոմետրը։ Վերջին տվյալներով՝ պայմանավորվածություն է ձեռք բերվել եւս 81 կիլոմետր համաձայնեցնելու շուրջ։