Գրայմսը հանդիպում է աշխարհի ամենահայտնի տրանսգենդեր կանանցից մեկի հետ (լուսանկարներ)

Երգչուհի Գրայմսը հանդիպում է հետախուզության նախկին աշխատակցի և աշխարհի ամենահայտնի տրանսգենդեր կանանցից մեկի՝ Չելսի Մենինգի հետ, ով հայտնի է դարձել ԱՄՆ ռազմական գաղտնիքները WikiLeaks-ին փոխանցելով:

Աղբյուրը, որը ցանկացել է անանուն մնալ, հայտնել է Page Six-ին, որ Գրայմսը սկսել է հանդիպել Մենինգի հետ այն բանից հետո, երբ նա երկրորդ անգամ բաժանվել է նախկին ընկերոջից՝ Իլոն Մասկից: Զույգի հարաբերությունները կարելի է լուրջ անվանել՝ երգչուհին և տրանսգենդեր կինը միասին են ապրում։

«Քանի որ այս հոդվածը գրվել է, Ի-ն (Իլոն Մասկ - խմբ.) և ես հասցրեցինք նորից բաժանվել, հա հա։ Բայց նա դեռ իմ լավագույն ընկերն է և իմ կյանքի սերը: Այսուհետ իմ կյանքն ու գործը միշտ նվիրված կլինեն Առաքելությանը»,- գրել է նա Թվիթերում:

ԱՄՆ հետախուզությունում ծառայելու ժամանակ Չելսին իրեն տղամարդ էր համարում, այն ժամանակ նրա անունը Բրեդլի էր: Նա սկսել է իր տրանսգենդերային անցումը բանտում գտնվելու ժամանակ. դատարանը նրան դատապարտել էր 35 տարվա ազատազրկման` ծառայության ընթացքում կատարված հանցագործությունների համար (ներառյալ լրտեսության մասին օրենքը խախտելը)։ Սակայն յոթ տարի բանտարկությունից հետո ԱՄՆ նախագահ Բարաք Օբաման որոշեց ներում շնորհել «Չելսիին»։