Զելենսկին ֆրանսիական ընկերություններին կոչ է արել հեռանալ Ռուսաստանից

Ուկրաինայի նախագահ Վլադիմիր Զելենսկին ֆրանսիական խորհրդարանում տեսակապով ելույթի ժամանակ կոչ է արել ֆրանսիական ընկերություններին լքել Ռուսաստանը՝ Ուկրաինայում ռազմական գործողության ֆոնին, հայտնում է RIA Novosti-ն։

«Աշխարհը պետք է աջակցի մեզ` ագրեսորի դեմ պատժամիջոցներով։ Ամեն շաբաթ` պատժամիջոցների նոր փաթեթ: Ֆրանսիական ընկերությունները պետք է հեռանան ռուսական շուկայից. Renault-ն, Auchan-ը, Leroy Merlin-ը և մյուսները պետք է դադարեն լինել ռուսական ռազմական մեքենայի հովանավորներ», - ասել է Զելենսկին: