«Մենք գիտենք, թե ով է դա արել». Պուտինը` Բուչայի ջարդերի մասին

Մարիուպոլում իրավիճակը բարդ է, բայց այնտեղ ռազմական գործողություններ չկան, դրանք դադարեցվել են, հայտարարել է ՌԴ նախագահ Վլադիմիր Պուտինը ՄԱԿ-ի գլխավոր քարտուղար Անտոնիո Գուտերեշի հետ հանդիպմանը։

«Այնտեղ իրավիճակը ծանր է, և գուցե ողբերգական։ Բայց այն իսկապես պարզ է: Հենց այսօր խոսեցի նախագահ Էրդողանի հետ, նա ասաց այն մասին, որ այնտեղ ռազմական գործողություններ են ընթանում։ Այնտեղ կռիվներ չկան: Դրանք ավարտված են։ Մարիուպոլում ռազմական գործողություններ չկան, դրանք դադարեցվել են»,- ասել է Պուտինը։

Բացի այդ, ՌԴ նախագահ Վլադիմիր Պուտինը ՄԱԿ-ի գլխավոր քարտուղար Անտոնիո Գուտերեշի հետ հանդիպմանը հայտարարել է, որ Մարիուպոլի «Ազովստալ» գործարանը լիովին մեկուսացված է, ռազմական գործողություններ չկան։

««Ազովստալ» գործարանը լիովին մեկուսացված է։ Ես հրաման եմ տվել այնտեղ գրոհային գործողություններ չանցկացնել։ Այնտեղ ռազմական գործողություններ չեն ընթանում»,- ասել է Պուտինը։

Ռուսաստանի նախագահն անդրադարձել է Բուչայի ջարդերի թեմային. «Ցավոք, պայմանավորվածություններ ձեռք բերելուց և բանակցությունների շարունակման համար բարենպաստ պայմաններ ստեղծելու մեր, իմ կարծիքով, բավականին հստակ դրսևորված մտադրություններից հետո, մենք բախվեցինք սադրանքի Բուչա գյուղում, որի հետ ռուսական բանակը ոչ մի կապ չունի։ Մենք գիտենք, թե ով է դա  արել։ Մենք գիտենք, թե ով է պատրաստել այս սադրանքը, ինչ միջոցներով, ինչ մարդիկ են աշխատել դրա վրա»,- ասել է նա։