Իսրայելցի առաջնորդները ներողություն են պահանջել Լավրովից

Իսրայելցի առաջնորդները ներողություն են պահանջել Ռուսաստանի արտգործնախարար Սերգեյ Լավրովից, ով հայտարարել էր, որ Ադոլֆ Հիտլերը «հրեական արյուն ուներ», գրում է Times of Israel-ը։

«Այդպիսի ստերի նպատակը իրենց դեմ կատարված պատմության մեջ ամենասարսափելի հանցագործությունների համար հենց հրեաներին մեղադրելն է ՝ դրանով իսկ Իսրայելի կեղեքիչներին ազատելով պատասխանատվությունից», - ասել է վարչապետ Նաֆթալի Բենեթը:

Բենեթի հայտարարությանը հաջորդել ենն արտաքին գործերի նախարար Յաիր Լապիդի եւ Իսրայելի այլ նախարարների ավելի կոշտ մեկնաբանությունները։.

«Դա աններելի եւ սկանդալային մեկնաբանություն է, սարսափելի պատմական սխալ, եւ մենք ներողություն ենք ակնկալում»,- ասել է Լապիդը: «Հիտլերը արմատներով հրեա չէր, եւ հրեաներն իրենք իրենց չեն սպանել Հոլոքոստի ժամանակ: Հրեաների դեմ ռասիզմի ցածրագույն ձեւը հենց հրեաներին հակասեմիտիզմի մեջ մեղադրելն է: Մենք գործադրում ենք բոլոր ջանքերը՝ Ռուսաստանի հետ լավ հարաբերություններ պահպանելու համար, բայց կա սահման, եւ այս անգամ սահմանը հատվել է։ Ռուսաստանի կառավարությունը պետք է ներողություն խնդրի մեզանից եւ հրեա ժողովրդից»։
Իսրայելի ԱԳՆ է կանչվել նաեւ Ռուսաստանի դեսպան Անատոլի Վիկտորովը։

Կիրակի օրը Լավրովը իտալական Mediaset հեռուստաընկերությանն ասել էր, որ Ուկրաինայում կա «նացիֆիկացում կա», «Ազով», «Այդար» եւ այլ գումարտակների գերի ընկած զինյալները կրում են սվաստիկայի՝ նացիստական ​​գումարտակների խորհրդանիշն ու դաջվածքները։ Լավրովը հավելել էր, որ Վլադիմիր Զելենսկին «փաստարկ է ներկայացնում. ի՞նչ նացիֆիկացում կարող են նրանք ունենալ, եթե նա հրեա է»։ ՌԴ արտգործնախարարն ասել, որ կարող է սխալվել, «բայց Ա. Հիտլերը նույնպես հրեական արյուն ուներ», «դա բացարձակապես ոչինչ չի նշանակում, իմաստուն հրեա ժողովուրդն ասում է, որ ամենամոլի հակասեմականները, որպես կանոն, հրեաներն են»։