ԱՄՆ-ն Եվրոպայում ՆԱՏՕ-ի ուժերի նոր հրամանատար է նշանակել

Պենտագոնի ղեկավար Լլոյդ Օսթինը հայտնել է, որ ԱՄՆ նախագահ Ջո Բայդենը գեներալ Քրիստոֆեր Կավոլիին նշանակել է Եվրոպայում Հյուսիսատլանտյան դաշինքի դաշնակից զինված ուժերի գերագույն հրամանատարի պաշտոնում, փոխանցում է РИА Новости-ն։

Կավոլին կփոխարինի ԱՄՆ ռազմաօդային ուժերի գեներալ Թոդ Ուոլթերսին, ով երեք տարի ղեկավարել է ՆԱՏՕ-ի ուժերը Եվրոպայում։ Կավոլին ներկայումս ղեկավարում է Եվրոպայում և Աֆրիկայում ԱՄՆ ցամաքային զորքերը:

ՆԱՏՕ-ն հաստատել է Կավոլիի թեկնածությունը: Դաշինքի հայտարարության մեջ ասվում է, որ իր պարտականությունները կստանձնի ամռանը Բելգիայի Մոնս քաղաքում Դաշնակից ուժերի գերագույն շտաբում տեղի ունենալիք հրամանատարության փոփոխության արարողության ժամանակ: Ըստ The Wall Street Journal-ի, Կավոլին նախկինում աշխատել է որպես Ռուսաստանի հարցով տնօրեն Միացյալ շտաբում և մագիստրոսի կոչում է ստացել Յեյլի համալսարանում ռուսական և արևելաեվրոպական հետազոտությունների ոլորտում: