Լոնդոնաբնակ դերասանուհին պատմել է անտեսանելի այլմոլորակայինի հետ իր սիրային հարաբերությունների մասին
ԱյլԼոնդոնաբնակ դերասանուհին պատմել է անտեսանելի այլմոլորակայինին սիրահարվելու մասին, սակայն նշանադրության ժամանակ դժվարությունների է բախվել: Նրա պատմությունը գրավել է Daily Mail-ի ուշադրությունը։
Այս առավոտ հեռուստաշոուի ժամանակ դերասանուհի Էմանուելա Ռոուզը, ով նախկինում հայտնի էր որպես Էբբի Բելա, ասել է, որ սիրահարված է անտեսանելի այլմոլորակայինի: Կինը նշել է, որ իր սիրուն առաջին անգամ հանդիպել է այն բանից հետո, երբ սոցիալական ցանցում հաղորդագրություն է հրապարակել, որ նախընտրում է հանդիպել այլ մոլորակի արարածի հետ, քան մեկ այլ ժամադրության գնալ Tinder-ի տղամարդու հետ։ Նա պնդում է, որ դրանից հետո ինքը պարուրվել է դեղին լույսի ճառագայթով և առևանգվել հենց բնակարանից։
Հայտնվելով թռչող ափսեի վրա` Ռոուզը հանդիպել է այլմոլորակայինների անձնակազմին, իսկ հետո նրան ծանոթացրել են Էմանուել անունով անտեսանելի այլմոլորակայինի հետ: Իր անունը սիրելիի անվան հետ համահունչ դարձնելու համար կինը փոխել է իր անունը՝ դառնալով «Էմանուելա»։
Հարցին` զույգը ֆիզիկական հարաբերությունների մե՞ջ է, Էմանուելան պատասխանել է. «Այո, և պետք է ասեմ, եթե փորձեք դա այլմոլորակայինի հետ, կմոռանաք երկրացիների մասին»:
Կինը պատմել է, որ իր զուգընկերը պատրաստ է հարաբերությունները նոր մակարդակի հասցնել։ «Նա փորձեց ինձ առաջարկություն անել, բայց ես չափազանց ավանդական եմ: Ինձ մատանի է պետք։ Եվ նա նույնիսկ չգիտի, թե դա ինչ է: Ես ասացի, որ մեծ քար եմ ուզում, և նա ինձ մի քանի քարեր բերեց ծովափից: Ակնհայտ է, որ նա չունի երկրային փող։ Հուսանք, ժամանակի ընթացքում մենք կկարողանանք մի քիչ հավաքել», - բացատրել է նա: