Տավուշի մարզում 40-ամյա վարորդը «06»-ով հայտնվել է ջրահեռացման առվում․ 2 անձ տեղափոխվել է հիվանդանոց

Այսօր՝ հունիսի 2-ին, ավտովթար է տեղի ունեցել Տավուշի մարզում։ Ժամը 04։50-ի սահմաններում Տավուշի մարզի բնակիչ՝ 40-ամյա Արթուր Ա-ն իր վարած ՎԱԶ 2106 մակնիշի ավտոմեքենայով Իջևան-Նոյեմբերյան ավտոճանապարհի 14 կմ հատվածում դուրս է եկել երթևեկելի գոտուց և ընկել ճամփեզրով անցնող ջրահեռացման առվի մեջ։ Այս մասին հայտնում է shamshyan.com-ը։

Վթարի հետևանքով վարորդ Արթուր Ա-ն, ուղևոր, Տավուշի մարզի բնակիչ, 42-ամյա Հունան Ա-ն տեղափոխվել են «Իջևան» բժշկական կենտրոն

Հրշեջ-փրկարարները հոսանքազրկել են ավտոմեքենան, փակել գազաբալոնի փականն ու սահմանազատել տարածքը։

Վթարի փաստով նույն վաշտի ավագ հետաքննիչի կողմից նյութեր են նախապատրաստվում։