Թուրքիայի միջազգային անվանումը փոխվել է

ՄԱԿ-ը հավանություն է տվել Թուրքիայի՝ բոլոր պաշտոնական փաստաթղթերում երկրի անվանումը փոխելու խնդրանքին։ Այսպիսով, Republic of Turkey ֊ն վերանվանվել է Republic of Türkiye։ Երկրի անվան կարճ տարբերակը այսուհետ Türkiye կլինի, ոչ թե Turkey։ Այս մասին հայտնում է РИА Новости-ն՝ հղում անելով ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկին։ Փոփոխությունն արդեն ուժի մեջ է մտել։

Թուրքիայի արտգործնախարար Մևլութ Չուվաշօղլուի խոսքով՝ այս փոփոխություններն ընդունվել են պաշտոնական Անկարայի քայլերի շրջանակում, որոնք ուղղված են «միջազգային ասպարեզում երկրի հեղինակության բարձրացմանը»։

Հիշեցնենք, որ Թաիլանդի կառավարությունը նույնպես որոշել է փոխել Թաիլանդի մայրաքաղաք Բանգկոկի անվանումը: Լատինատառով այն կկոչվի ոչ թե Bangkok, այլ Krung Thep Maha Nakhon։ Նախկինում Չինաստանը փոխել էր Պեկինի անվանումը Beijing֊ով, իսկ Մյանմարը վերանվանել է Rangoon на Yangon։

Այսպիսով, երկրների իշխանությունները փորձում են քաղաքների (և հենց հանրապետությունների) անվանումներն ավելի համապատասխանեցնել տեղական անվանումներին։