Կիրկորովի հայրը բողոքել է իր առողջական վիճակից
ԱյլՌուսաստանի ժողովրդական արտիստ, փոփ երգիչ Ֆիլիպ Կիրկորովի հայրը` Բեդրոս Կիրկորովը, ով նշում է իր 90-ամյակը, kp.ru-ին տված հարցազրույցում դժգոհել է իր առողջությունից։
Կիրկորով ավագի խոսքով՝ ինքը հիվանդ է և մի քանի օր առաջ լքել է հիվանդանոցը, որտեղ անցկացրել է երկու ամիս։ «Ողնաշարի հետ կապված շատ բարդ իրավիճակ է, ուստի դեռ չգիտեմ, թե ինչպես կլինեմ: Անգամ տարեդարձը տեղափոխեցինք սեպտեմբեր, հիմա դա կլինի միայն հարազատների համար։ Իսկ ես սեպտեմբերին կհրավիրեմ ընկերներիս։ Ինձ մոտ ամեն ինչ լուրջ է, ոչ ոք չի ուզում վիրահատել, արտառոց դեպք է»,- բացատրել է նա։
Բեդրոս Կիրկորովի խոսքով՝ ողնաշարի հիվանդությունն իրեն խանգարում է քայլել։ «Չեն կարող հանել ոսկորը, որը ճնշում է նյարդային բջիջներին, իսկ դրանք թույլ չեն տալիս ազատ քայլել: Ինչպես էլեկտրականությունը հարվածում է ոտքիս»,- ասել է նա։