Շատ երկրներ իրենց համար հաշվարկում են պատերազմի հետևանքները և չեն կիսում Ուկրաինայի հարցում ԵՄ-ի դիրքորոշումը. Բորել

Եվրոպական դիվանագիտության ղեկավար Ժոզեպ Բորելը հայտարարել է, որ G20-ի երկրների արտգործնախարարների հանդիպմանը Ուկրաինայում իրավիճակի վերաբերյալ ԵՄ տեսակետը գերակշռող չի եղել։ Այս մասին քաղաքական գործիչը գրել է իր բլոգում։

Մասնավորապես, Բորելը նշել է, որ «վերացական առումով» բոլորը համաձայն են այնպիսի հիմնարար սկզբունքների պաշտպանության անհրաժեշտությանը, ինչպիսիք են ուժի չկիրառումը և տարածքային ինքնիշխանությունը, սակայն, երբ խոսքը վերաբերում է ազգային շահերին, դրանք հաճախ գերակշռում են բարձր իդեալներին ընդհանուր հավատարմությանը։ Եվ սա, ըստ եվրոպացի դիվանագետի, «դաժան ճշմարտությունն է»։
Եվրոպական դիվանագիտության ղեկավարը կարծում է, որ շատ երկրներ իրենց համար հաշվարկում են պատերազմի հետևանքները և այդ իսկ պատճառով ձեռնպահ են մնում իրավիճակի վերլուծությունից, երբ խոսքը գնում է «ագրեսորի անունը տալու» մասին։ Սա հանգեցնում է նրան, որ շատ երկրների քաղաքական գործիչներ մնում են անորոշ վիճակում՝ չցանկանալով հստակ կողմնորոշվել, քանի որ այս ընտրությունը կարող է սպառնալ նրանց աշխարհաքաղաքական շահերին։

Խոսելով G20-ի ԱԳ նախարարների հետ հանդիպումից հետո ընդհանուր տրամադրությունների մասին՝ Բորելն ասել է, որ ԵՄ-ի կոշտ դիրքորոշումն ուկրաինական հակամարտության հարցում գերակշռող չի դարձել։