Բախվել են BMW X5-ն ու Opel-ը․ վթարի վայրից 1 հոգու դանակահարված վիճակում տեղափոխել են հիվանդանոց
Արտակարգ Պատահար
Այսօր՝ հուլիսի 14-ին, արտակարգ դեպք է տեղի ունեցել Երևանում։ Ժամը 01։25-ի սահմաններում «Էրեբունի» բժշկական կենտրոնից ոստիկանության կենտրանական բաժին ահազանգ է ստացվել, որ «կրծքավանդակի ձախ կեսի կտրած-ծակած վերք, հեմոմիեմոթորաքս» ախտորոշմամբ իրենց մոտ է տեղափոխվել մի քաքաղացի։
Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության կենտրոնական բաժնի օպերատիվ խումբը՝ օրվա պատասխանատու հերթապահի գլխավորությամբ։ Մինչ էրեբունու հիվանդանոցի բժիշկները պայքարում էին վիրավորի կյանքի համար, ոստիկանության կենտրոնական բաժին ահազանգ է ստացվել, ինչը նրանց հաջողվել է, ոստիկանության կենտրոնական բաժնի քրեական հետախուզության բաժանմունքի ծառայողները պարզել են, որ վիրավորը Արարատի մարզի բնակիչ՝ 25-ամյա Հարություն Հ-ն է։ Ոստիկանները պարզել են նաև, որ նրան դանակահարել են Ամիրյան փողոցում։
Արդեն տեղում ոստիկանները տաք հետքերով պարզում են, որ ժամը 01։00-ի սահմաններում Ամիրյան փողոցի 27 հասցեի դիմաց բախվել են անհայտ անձի կողմից վարած BMW X5 մակնիշի և 34-ամյա Անդրանիկ Մ-ի վարած Opel մակնիշի ավտոմեքենաները։ Վթարի հետևանքով Opel-ի անչափահաս ուղևոր՝ Կոտայքի մարզի բնակիչ, 11 ամսական Էլիաս Զ-ն մարմնական վնասվածքներով տեղափոխվում է «Սուրբ Աստվածամայր» ԲԿ, որտեղ բժիշկների կողմից առաջին անհրաժեշտ բուժօգնությունը ստանալուց հետո տեղափոխվում է «Արաբկիր» ԲԿ։
Վթարի փաստով Վ. Գրիգորյանի որոշմամբ նախաձեռնվել է քրեական վարույթ։ Պարեկային ծառայությունն ու քննչական բաժինը պարզում են BMW-ի վարորդի ինքնությունը։ Ոստիկանության կենտրոնական բաժնում ունեն կասկածներ, որ դանակահարվածը առնչություն ունի նշված վթարի դեպքին։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
