Սիրված երգահան, երգիչ Ներսիկ Իսպիրյանը կոչով դիմել է հայությանը

Բազմաթիվ հայրենասիրական սիրված երգերի հեղինակ, երգիչ, ՀՀ վաստակավոր արտիստ Ներսիկ Իսպիրյանը կոչով դիմել է հայությանը․

«Կոչս համայն հայությանը

Նախ խոնարհումս բոլոր նահատակված հերոսներին և իրենց ընտանիքներին... հազար փառք...Վիրավորներին շուտափույթ ապաքինում...

Մեր առյուծների շնորհիվ կասեցվեց թշնամին. բայց...

Կոչս և խնդրանքս եմ ուղղում Հայաստանում և աշխարհում ապրող մեծահարուստ և հնարավորություն ունեցող հայրենակիցներիս: Թշնամին ընդամենը 60 կմ է հեռու Երևանից… տասնյակ հազարավոր զորք `մինչև ատամները զինված ու հային աշխարհի երեսից ջնջելու նպատակով սպասում է հարձակման...

Խնդրանքս. Ձեր ներդրումն ունեցեք, կանգնեք հայոց բանակի կողքին...թողեք բոլոր տարաձայնություններն այս պահին...

Սիրելի հայրենակի´ց, այս օրհասական պահին տանը նստած սոցցանցում մի զբաղվիր ինքնագովազդով ,թե` ինչքան ես սիրում հայրենիքդ,.թե` ինչերի ես պատրաստ...լուռ սիրի´ր և պե´տք եղիր...մի փնովիր և ատիր ուրիշ հայրենակցիդ `ինքդ տանը նստած , որ նա դեռ չի գնացել սահման ու չի զոհվել...Վանենք չարն ու նախանձը մեր մեջից... Համախմբվենք ...միմյանց լրացնենք...Աստծով լցվենք...զգոն լինենք...մի բռունցք դառնանք...

թշնամին սարսափում է հայի միասնությունից...

Հավատում եմ `ՀԱՅԸ դիմակայելու է այս փորձությանը... ՀԱՅԸ սատկացնելու է իրեն ջնջելու երազանքով ,իր տան վրա եկող թշնամուն..ՀԱՅՆ ապրելու է...արարելու է... Մոտ է օրը արդարության վերականգման ...մոտ է օրը ՄԵԾ ՀԱՅԱՍՏԱՆԻ...

Աստված պահապան մեր զինվորների´ն... տղերք չպակասեք...» ,-գրել է ճանաչված արտիստը։