Փաշինյանն այնպես արեց, որ ադրբեջանական մեդիան դեռևս միայն Փաշինյանի ասուլիսն է լուսաբանում. Տաթևիկ Հայրապետյան

Ես դեռևս ամբողջությամբ չեմ լսել Փաշինյանի ասուլիսը, բայց մի պահ միացրեցի, երբ հերթական անգամ Փաշինյանը համոզում էր, որ աշխարհում բոլորը ճանաչել են Արցախն Ադրբեջանի մաս ու իրենք բան չենք կարող անել: «Պետք չի դեմ գնալ միջազգային հանրությանը»,–սա էր Փաշինյանի միտքը:

Դեռ մի կողմ թողնենք, որ սա կեղծ պնդում է, եթե նման բան լիներ ՄԱԿ–ի ԱԽ հինգ մշտական անդամներից երեքը՝ ՌԴ–ն, ԱՄՆ–ն ու Ֆրանսիան (ԵԱՀԿ ՄԽ անդամ) երկրները, որոնք տասնամյակներ շարունակ վարում էին բանակցային գործընթացը, չէին ֆիքսի ազգերի ինքնորոշման իրավունքը որպես երեք հիմնարար սկզբունքներից մեկը: Դա էր երաշխավորելու Արցախի ճակատագիրը: