«Թալիբան» շարժման ներկայացուցիչը հերքել է Աֆղանստանում գեղեցկության սրահների փակման մասին տեղեկությունը

«Թալիբան» շարժման ղեկավարությունը չի որոշել փակել Աֆղանստանում կանանց գեղեցկության սրահները։ Դոհայում թալիբների քաղաքական գրասենյակի ղեկավար Մոհամմադ Սոհեյլ Շահինը երեքշաբթի լրագրողներին ասել է, որ մամուլի հրապարակումները չեն համապատասխանում իրականությանը, փոխանցում է ՏԱՍՍ-ը։

«Դա ճիշտ չէ, համապատասխան մարմինները հերքում են այս պնդումը», - մեջբերում է գործակալությունը պաշտոնյայի խոսքերը:

Այն, որ թալիբների ղեկավարությունը երեքշաբթի՝ հունվարի 10-ին, պահանջել է փակել կանանց գեղեցկության սրահները 10-օրյա ժամկետում, հայտնել է Al-Arabiya հեռուստաալիքը՝ հղում անելով սեփական աղբյուրներին։ Լրագրողները նաև հայտնել են, որ այսուհետ կանանց արգելվում է աշխատել առևտրի կենտրոններում։

Երկիրն արդեն մի շարք սահմանափակումներ է մտցրել կանանց նկատմամբ՝ 2021 թվականին թալիբների իշխանության գալուց հետո։ Այսպիսով, հեռուստահաղորդավարները պարտավոր են հիջաբ կրել, իսկ կին դերասանուհիների մասնակցությամբ ֆիլմերի ու հաղորդումների հեռարձակումն արգելվել է։

Բացի այդ, 2022 թվականի դեկտեմբերին Աֆղանստանի համալսարաններում աղջիկների դասերը դադարեցվել են։ Արգելք է դրվել բուհերում կանանց, այդ թվում՝ ուսուցչուհիների ներկայության վրա։