Մարգո Ռոբին և Բրեդ Փիթը՝ «Բաբելոն» ֆիլմի պրեմիերային
ԼուսանկարներԱյս երեկույթին Մարգո Ռոբիից ու Բրեդ Փիթից ավելի գեղեցիկ մարդկանց հաստատ չենք տեսնի։ Հոլիվուդյան աստղերը միասին են հայտնվել Լոնդոնում «Բաբելոն» ֆիլմի պրեմիերային, գրում է Grazia-ն։
Իր ելքի համար Ռոբին ընտրել է կարմիր Valentino զգեստ, իսկ Փիթը՝ վանդակավոր կոստյում՝ մոխրագույնի երանգներով։ Ի դեպ, ոչ բոլորն են գնահատել Դեմիեն Շազելի նոր ժապավենը։ «Լա Լա Լենդ» ռեժիսորի անհավանական ձոնը լուռ Հոլիվուդին նման է խելագար լուսանկարների ալբոմի: Ֆիլմը կատաղի շտապողականություն է դեպի ոչ մի տեղ»,- ֆիլմի մասին պատմել է կինոգետ Էնթոնի Լեյնը:
Հիշեցնենք, որ դեկտեմբերի վերջին ԱՄՆ կինոթատրոնների էկրաններին հայտնվեց Դեմիեն Շազելի «Բաբելոն» նոր ֆիլմը։ «Սա անզուսպ փառասիրության և կատաղի էմոցիաների մասին պատմություն է, որը ցույց է տալիս շատ կերպարների վերելքն ու անկումը վաղ Հոլիվուդի անզուսպ անկման և այլասերման ժամանակաշրջանում», - ասել են հեղինակները ֆիլմի մասին: Ֆիլմում նկարահանվել են Մարգո Ռոբին, Բրեդ Փիթը, Դիեգո Կալվան, Թոբի Մագուայրը և այլ դերասաններ։