Microsoft-ը աշխատակիցներին թույլ է տվել գնալ «անսահման» արձակուրդ

Microsoft-ը որոշել է դառնալ ավելի ճկուն և աշխատակիցներին թույլ է տվել արձակուրդ գնալ ցանկացած ժամանակահատվածով: Ընկերության նոր կանոններն ուժի մեջ կմտնեն հունվարի 16-ից, հայտնում է CBS-ը։

Այժմ ընկերության աշխատակիցները չեն սահմանափակվելու ֆիքսված արձակուրդային օրերով։ Ճիշտ է, նորամուծությունը կվերաբերի միայն ԱՄՆ-ում աշխատողներին, կամ մոտ 122 հազար մարդու։ Այլ երկրներում Microsoft-ում աշխատում է 99 հազար մարդ։ Ժամավարձով աշխատողների համար անսահմանափակ արձակուրդ չի լինելու։

Բայց ընկերությունում նորեկները աշխատանքի առաջին իսկ օրվանից կարող են օգտվել առիթից՝ մեկնելու անսահմանափակ արձակուրդ։

Ընկերությունն իր որոշումը բացատրել է նրանով, որ վերջերս փոխվել է այն գաղափարը, թե ինչպես, երբ և որտեղ կարող են աշխատակիցները կատարել իրենց աշխատանքը։