2011թ.-ին արձանագրվել են 4900 վարչական իրավախախտումներ նախորդ տարվա 3700-ի դիմաց

ՀՀ տրանսպորտի եւ կապի նախարար Մանուկ Վարդանյանը դեկտեմբերի 21-ին կայացած տարեկան ամփոփիչ մամուլի ասուլիսում ներկայացրեց նախարարության իրականացրած ծրագրերը եւ հետագա անելիքները:

Իրականացվել են վերահսկողական գործառույթներ կանոնավոր փոխադրումներ իրականացնող երթուղիների սպասարկման գործընթացի կազմակերպման նկատմամբ: 2011 արձանագրվել են 4900 վարչական իրավախախտումներ՝ նախորդ տարվա 3700-ի դիմաց, որի արդյունքում ՀՀ պետական բյուջե է մուտքագրվել 34.5 մլն դրամ՝ նախորդ տարվա 23.0 մլն դրամի դիմաց : Երևան քաղաքի տրանսպորտային ծանրաբեռնվածությունը բեռնաթափելու նպատակով վերացվել են ուղևորատար տրանսպորտային միջոցների երթակարգավարական, ինչպես նաև ապօրինի կուտակման կետերը՝ տրանսպորտային միջոցների մեկնման վայրերը տեղափոխվելով համապատասխան ավտոկայաններ, Սևանի փողոցի 93/1 հասցեում կազմավորվել է նոր Ավտոկայարան:

< Միջազգային ավտոճանապարհային փոխադրումներ կատարող տրանսպորտային միջոցների անձնակազմի աշխատանքի մասին> համաձայնագրին միանալուց հետո պահանջների ապահովման նպատակով Հայաստանի Հանրապետությունում ներդրվել է հսկիչ սարքերի (թվային տախոգրաֆների) համակարգը: Ընդունվել է Հայաստանի Հանրապետության կառավարության 2011 թվականի մարտի 3-ի, Հայաստանի Հանրապետությունում հսկիչ սարքերում (թվային տախոգրաֆներում) օգտագործվող քարտերի ձևը և դրանց տրամադրման կարգը հաստատելու մասինե N 231-Ն որոշումը: Հունիս ամսին Եվրահանձնաժողովի միավորված հետազոտական կենտրոնի կողմից Հայաստանի Հանրապետությանը տրամադրվել են համակարգի գործարկման համար անհրաժեշտ հավաստագրերը և քարտերի անհատականացման բանալիները:

- Փոփոխություններ են կատարվել Հայաuտանի Հանրապետությունում ընդհանուր օգտագործման ավտոմոբիլային տրանսպորտով կանոնավոր ուղևորափոխադրումների և մարդատար-տաքսի ավտոմոբիլներով ուղևորափոխադրումների կազմակերպման լիցենզավորման կարգերում, որոնց արդյունքում.

գ Սահմանվել է ՀՀ տրանսպորտի և կապի նախարարության լիցենզավորման գործակալության և Ճանապարհային ոստիկանության միջև առցանց եղանակով տեղեկատվության փոխանակման ձևը, որի շնորհիվ բացահայտվելու և կանխվելու է ներդիրը ուժը կորցրած ճանաչելուց հետո դեղին համարանիշի հետագա ապօրինի օգտագործումը:

գ Լիցենզավորման կարգերում նվազագույնի է հասցվել պահանջվող փաստաթղթերի ցանկը:

գ լիցենզիայի և ներդրիների տրամադրման համար տրանսպորտային միջոցի ուսումնասիրությունը հանվել է, նախատեսվել է միայն փաստաթղթային ուսումնասիրության իրականացում, ինչի արդյունքում կնվազի կոռուպցիոն ռիսկերը:

գ Հանվել է մարդատար-տաքսի ավտոմոբիլներով ուղևորափոխադրումներում ներգրավված տրանսպորտային միջոցների մինչև 10 տարի տարիքի սահմանափակումը, ինչը հնարավորություն կտա օրինական դաշտ բերել ՀՀ տարածքում 10 տարվանից ավել տարիք ունեցող տրանսպորտային միջոցներով ուղևորափոխադրումների իրականացման գործընթացը: